Herbion International – 1983-nji ýylda esaslandyrylan, ýokary hilli tebigy ösümlik derman serişdelerini işläp taýýarlamak üçin innowasion ylmy-barlag işlerine aýratyn üns berýän, çalt ösýän farmasewtika kompaniýasydyr. Kompaniýanyň esasy maksady farmasewtika bazary üçin ýokary hilli, täsirli we zyýanly himiki goşundylary öz içine almaýan derman serişdelerini işläp taýýarlamakdan, öndürmekden we bazara hödürlemekden ybaratdyr.

Saglygy goraýyş pudagynda öňdebaryjy kompaniýalaryň biri hökmünde «Herbion» adamlaryň durmuşynyň hilini ýokarlandyrmaga uly goşant goşmagy maksat edinýär. Kompaniýa ösümlik çig mallarynyň esasynda innowasion derman serişdelerini yzygiderli öwrenmek, işläp taýýarlamak we sarp edijilere hödürlemek ugrunda iş alyp barýar.

35 ýyllyk iş tejribesiniň dowamynda kompaniýa öz işini dünýäniň 21 ýurduna çenli giňeltmegi başardy. 1997-nji ýyla çenli «Herbion» Pakistanyň çäginden çykyp, Garaşsyz Döwletleriň Arkalaşygyna (GDA), ýagny öňki Sowet Soýuzynyň düzümine giren ýurtlara öz marketing we söwda işlerini ýaýbaňlandyrdy. GDA ýurtlarynda işewürlik işini tapgyrlaýyn giňeltmek bilen, kompaniýa Gündogar Ýewropa, Uzak Gündogar we Demirgazyk Amerika ýaly beýleki sebitlerde hem üstünlikli orun eýeledi. Häzirki wagtda kompaniýanyň derman serişdeleri 3 yklymyň 4 sebitinde hödürlenýär.

Kompaniýanyň önüm görnüşleriniň sany 50-den gowrakdyr. Biz gazanylan üstünlikler bilen çäklenmän, täze we yzygiderli kämilleşdirilýän tebigy ösümlik önümlerini döretmek arkaly dünýä ilatynyň saglygyny goramaga gönükdirilen wezipämizi ýerine ýetirmegi dowam etdirýäris.

Biz lukmanlar, dermanhana hünärmenleri we farmasewtler bilen hyzmatdaşlyga aýratyn ähmiýet berýäris. Şeýle öňdengörüjilikli çemeleşme «Herbion» kompaniýasynyň çalt ösmegine we dünýäde millionlarça sarp edijiniň ynamyny gazanan öňdebaryjy kompaniýalaryň birine öwrülmegine ýardam berdi.

Herbion kompaniýasynyň derman serişdeleri sowuklama, üsgülewük we dümew alamatlaryny ýeňilleşdirmek, erkekleriň jynsy saglygy bilen bagly meseleleri, iýmit siňdiriş ulgamynyň we bagryň näsazlyklaryny bejermek ýaly ugurlarda ulanylýar.

Önümlerimiziň howpsuzlygy tebigy ekstraktlaryň ulanylmagy bilen düzüminiň iň amatly derejede deňagramlaşdyrylmagy we zyýanly himiki maddalaryň ulanylmagyndan berk saklanylmagy arkaly üpjün edilýär.

Ösümliklerden derman serişdelerini taýýarlamak sungaty öz gözbaşyny gadymy döwürlerden alyp gaýdýar. «Herbion» kompaniýasynyň derman serişdeleri adaty Aýurweda lukmançylygynyň reseptleriniň esasynda döredilýär. Müňýyllyklaryň dowamynda toplanan tejribä we däp-dessurlara daýanyp, biz iň öňdebaryjy tehnologiýalary ulanmak arkaly häzirki zaman derman serişdelerini öndürýäris. Bu däp-dessurlaryň we tehnologiýalaryň sazlaşykly utgaşmasydyr.

Herbion kompaniýasy önümçilik işiniň ähli tapgyrlarynda, ýagny çig maldan başlap taýýar önüme çenli, önümleriniň hiline yzygiderli gözegçilik edýär.

Önümçilik desgalary we öndürilýän derman serişdeleriniň hili halkara GMP standartlaryna laýyk gelýär. Önümçilikde ýokary hünärli işgärleriň işleýän we ähli zerur enjamlar bilen üpjün edilen hil gözegçiligi bölümi döredilendir. Bu bölüm önümleriň hiline yzygiderli we netijeli gözegçilik etmäge, şeýle hem olaryň standartlaşdyrylmagyny üpjün etmäge mümkinçilik berýär.

Önümçilikde yzygiderli täzelenýän enjamlar we häzirki zaman ýokary tehnologiýaly önümçilik usullary ulanylýar. Ýörite programma üpjünçiliginiň bolmagy ähli önümçilik amallarynyň öz wagtynda we ýokary hilli ýerine ýetirilmegini hem üpjün edýär.

Kompaniýa dermanlyk ösümliklerden ekstrakt almak üçin döwrebap, ýokary derejede enjamlaşdyrylan we awtomatlaşdyrylan ulgama eýedir. Dermanlyk ösümlikleriň suwuk ekstraktlaryndan alnan işjeň maddalary saklap galmak maksady bilen wakuumda guratmak tehnologiýasy ulanylýar.

Tehnologik işiň her bir tapgyrynda yzygiderli gözegçiligiň geçirilmegi netijesinde kompaniýa öndürilýän derman serişdeleriniň ýokary hilini kepillendirýär. Bu bolsa kompaniýanyň esasy maksadyna – ilatyň netijeli we ýokary hilli derman serişdelerine bolan isleglerini kanagatlandyrmaga mümkinçilik berýär.

Kompaniýa bar bolan önümleriniň bazardaky ornuny berkitmek, brendlerini giňeltmek, ylmy-barlaglaryň esasynda täze önümleri işläp taýýarlamak we täze bazarlary özleşdirmek ugrunda üznüksiz iş alyp barýar.

Döwrebap önümçilik kärhanasy hökmünde öz ornuny üstünlikli berkitmek bilen, kompaniýa GMP, ISO 9001-2008, ISO 14000, ISO 22000 we CE sertifikatlaryny aldy.

Bu üstünlikleriň ählisi «Herbion» kompaniýasyna dünýäniň dürli ýurtlarynda millionlarça sarp ediji bilen ynama esaslanýan gatnaşyklary ýola goýmaga mümkinçilik berdi.

Şeýlelikde, «Herbion» wepalylygyň, ygtybarlylygyň we abadançylygyň nyşanyna öwrülen kompaniýadyr.